Kerklike vraagstukke, historiese antwoorde

Prof Natie van Wyk se rubriek soek in historiese tekste na rigtinggewende perspektiewe op probleme waarmee die Kerk vandag worstel. Een van die groot uitdagings waarvoor ons te staan gekom het, het met die inkrimping van die Kerk te make. Ons word met die feit van ’n verouderende kerk gekonfronteer. Verder het politieke omstandighede meegebring dat talle van ons lidmate – en veral jonger lidmate – geëmigreer het. Laastens het die sekularisasieproses met onverwagte snelheid die laaste twee dekades oor ons heen gespoel. Die ondenkbare van 30 jaar gelede, naamlik dat die Afrikaanse kerke ’n minderheid verteenwoordig, is besig om al meer en meer ’n werklikheid te word.

Aan ouderdom en die dood kan ons niks doen nie. Aan die emigrasiesyfers kan ons waarskynlik ook niks doen nie. Ons kan en moet egter iets aan die proses van ontkerkliking probeer doen. Justinus die Martelaar argumenteer dat die Christelike geloof denkend met lewensprobleme omgaan. Hierdie denke word egter gekoppel aan die ou, geloofwaardige tradisie van lewensbesinning wat voortspruit uit die geloof in die lewende God, die Vader van Jesus Christus.

***********************************

God se Liefde bo alles

Ds Martyn Redelinghuys skryf oor die huwelik, die mees intieme en beslissende van ons verhoudings. Elke huwelikspaar weet dat die ou sondige mens altyd weer sy verskyning maak in die huwelik. Die ergste is nie dat dit gebeur nie, maar hoe ons dit hanteer. Ons kan ons verskille volgens die ou mens hanteer en mekaar Liefdeloos oor en weer beskuldig, begin rusie maak, en so alle kommunikasie wat sinvol is tot stilstand laat kom. So ’n atmosfeer maak liefde dood. Die enigste alternatief is om die ou mens dood te maak en as nuwe mense in Liefde met mekaar te begin praat. Nuwe mense lewe deur die Gees; laat die Gees nou ook ons gedrag bepaal (Gal 5: 25).

Natuurlik is dit nie maklik nie, maar dit is die ononderhandelbare opdrag van die Here: lewe deur die Gees, kruisig die ou mens, voed die nuwe mens. Lewe uit Liefde. Die mate waarin ons daarmee erns maak, sal ook die egtheid van ons geloof bepaal en sal bepaal of ons huwelik verwelk of blom.

***********************************

Hervormde Teologiese Kollege

Prof Theuns Dreyer kyk terug oor sy loopbaan by die HTK. Dit was ’n belewenis om studente te sien groei as mense, teoloë en predikers. Hy skryf: Die voorreg wat ek gehad het om by die vorming van die meeste van ons predikante betrokke te kon wees, laat ’n mens klein voel. Menige gesprek met studente en predikante oor hulle probleme, seerkry en geloofsworsteling het my ook ’n ryker mens gemaak. Ek is dankbaar teenoor die Kerk dat hulle my met die opdrag vertrou het, en ek vra vergewing vir die foute wat ek gemaak het.

Prof Dreyer kyk ook vorentoe, want met die benoeming van dr Christo van der Merwe as sy opvolger het daar ’n nuwe era vir die HTK aangebreek. Dit is goed dat in hom as persoon daar weer nuwe energie, ideale en perspektiewe tot die opleiding van ons predikante toegevoeg word. Hy is nie vreemd in die Kollege nie, want vanaf die begin was hy as dosent  betrokke by die aanbieding van sekere modules. Hy is ’n ervare gemeentepredikant, teoloog en kerkleier. Sy integriteit as mens, as gelowige en as empatiese pastor dwing by almal respek af.

***********************************

Die Kerk groet... en verwelkom

Mnr Kobus Viljoen het so pas na 15 jaar in diens van die Hervormde Kerk afgetree. Hy kyk terug oor die hoogtepunte (en laagtepunte) van die afgelope jare, en stel lesers bekend aan sy opvolger, mnr Elmar Struwig. En mnr Viljoen groet met ’n dankwoord: Baie dankie aan die Hervormde Kerk vir die hoogtepunte wat ek altyd sal onthou, en die mense wat ek nie wil uitsonder nie – julle is en was baie spesiaal.

***********************************

’n Ruskans na 45 jaar

Mej Rona Barnard deel van haar ervarings van die afgelope 45 jaar met lesers. En sy sê: 45 jaar gaan soos ’n oogwink verby, en as jy so gelukkig in jou werk was soos ek, is dit met groot dankbaarheid teenoor die Heer van die kerk dat ek terugkyk en weet Hy het my die vermoë, gesondheid en baie genade gegee om my werk na die beste van my vermoë te kon doen.

***********************************

Padpredikant

Susan Kilian, ’n lidmaat van Gemeente Grimbeekpark wat die Konteks-toer na die Laeveld meegemaak het, deel haar ervaring met ons.

***********************************

Van ver af...

Dr Christo Pretorius skryf oor die Siener, Niklaas van Rensburg. Hy het altyd sterk beswaar gemaak teen bewerings dat hy hom met toekomsvoorspellings besig hou. Sy opmerkings was dat nie eens die engele in die Hemel weet wanneer iets gaan gebeur nie; die tyd en geleenthede is by God alleen bekend. Hy voeg ook by: Vir die gelowige gee God tekens waarop ag gegee moet word.

Te midde van die krisisse in land en volk het Niklaas volgens sy geloofsoortuigings geleef – stil en ingetoë met ’n verstommende geesteskrag wat hy uitstraal. In die tydperk vanaf die Anglo-Boereoorlog tot met sy dood in 1926, was hy ’n bron van geloofskrag vir gemarginaliseerde en verarmde Afrikaners – ’n beskeie en goedhartige geestelike leidsman van sy mense en ’n toegewyde ouderling in die Kerk. Bowenal is dit belangrik dat die Siener se mede-Afrikaners sal weet en onthou dat dit nie in die eerste plek gaan oor die feit dat  iets iewers in die toekoms sal gebeur nie, maar hoe gelowiges daarop moet reageer!

***********************************

Terugvoer is belangrik, en ons deel met lesers van die kommentaar wat onlangs oor die tydskrif ontvang is.

***********************************

     Onder redaksie van Magda van Deventer verskyn die volgende artikels:

• Inleiding: Vier snytjies brood (Andries Pretorius)

• ADV-sake: Webblad propvol inligting (Magda van Deventer)

• Seniors: Voeg jare by jou lewe (Magda van Deventer)

• Barmhartigheid: Volg net in sy voetspore (Hans Janse van Rensburg)

***********************************

GEMEENTENUUS

Lees oor Gemeente Lichtenburg wat hul 120ste verjaardag gevier het; ’n inwoner van die Monumenttehuis in Mokopane wat 101 jaar oud is; ’n 60ste huweliksherdenking vir ’n egpaar van Gemeente El-Flora; Gemeente Rooihuiskraal se Belydenisklas van 2011; Gemeente Middelburg se twee orreliste wat hul 20-jarige jubileum as orreliste van die gemeente gevier het; en oudl Flip Coetzer van Gemeente Witbank wat 62 jaar lank deel was van die gemeente se kerkraad – hy en tannie Marie het aan die begin van Oktober na Pretoria verhuis. (Ons het intussen verneem dat oom Flip op 12 November in die ouderdom van 90 jaar oorlede is.)

***********************************

    Onder redaksie van Magda van Deventer verskyn die volgende bydraes:

• My gebed vir jou, Vrou (Ansie Cilliers)

• Boodskap van hoop (Tessa Coetzer)

• Lesersbrief (Hantie Dreyer)

• Sjokoladelekkertes (Thea van Rooyen)

***********************************

VIR DIE KLEINSPAN

Gorrie-gogga vertel die verhaal van Sagaria en Elisabet. Hulle het nie kinders gehad nie, maar Elisabet het ernstig tot die Here gebid, en toe sê ’n engel vir haar haar gebed is verhoor. Sagaria wou dit nie glo nie, omdat hulle al oud was, en het toe vir ’n lang tyd sy stem verloor. Hul seun was Johannes die Doper, wat later almal van Jesus vertel het.

***********************************